सामान्यतय, कुनै पनि क्षेत्रमा आफ्नो जीवन सुम्पिएर वा दशकौं त्यस क्षेत्रलाई दिएर त्यसै क्षेत्रको विशेष ज्ञान राख्ने सफल ज्ञानीलाई हामी दिग्गज वा वरिष्ठ भन्छौं । तर नेपालमा भने यो अलि फरक छ ।
नेपालमा बरिष्ठ भनिदाहरु थुप्रै छन् तर बास्तव मै सच्चा ज्ञानी भने हातका औंलाहरुमा गन्न सकिन्छ । विशेष गरी संगीत क्षेत्रको कुरा गर्नुपर्दा, हाल आएर पुण रुपमा बेसुराहरुको जमातै एल्बम निकाल्न तम्सिएका देख्न पाइएतापनि आज भन्दा एक दशक अघिसम्म गायक गायिकाहरु धेरै कम थिए । तिनै गायक गायिकाहरुलाई आज धेरैले वरिष्ठ भन्छन् । तर ति सबै संगीतका पारखी वा ज्ञानीहरु भने पक्कै थिएनन् न त हालसम्म आईपुग्दा भएका छन् ।
दशक अघिसम्म गायक गायिका बन्न वा गीत रेकड गराउन रेडियो नेपालको सांगितिक परिक्षामा उत्रीण हुनुपथ्र्यो, जुन परिक्षामा सबैले सजिलैसँग भाग लिन भने पाउदैन थिए । तर त्यसबेला यदि राजपरिवारसँग चीनजान भएकाहरु भने परिक्षामा पनि सजिलै भाग लिन्थे र सजिलैसँग उत्रीण पनि हुन्थे । यस कुराले यो प्रष्ट पार्छ कि ति गायक गायिकाहरु सबै संगीतको ज्ञानले मात्र त अवश्य उत्रीण हुन्थेनन् । त्यसो भए के तिनीहरुलाई अहिले वरिष्ठ भन्न सुहाउँछ त ?
कान्तिपुर टेलिभिजनको पलेटी जस्ता कार्यक्रमहरुमा बेसुरा गीतहरु प्रस्तुत गरि धेरै ति वरिष्ठ भनिदाहरुले यो कुराको पुष्टी पनि गरिसकेका छन् । र अर्कातिर, यहि ती गायक गायिकाहरु साच्चै नै नेपाली संगीतलाई सम्मान गर्ने ज्ञानीहरु भएका भए रिमिक्सका नाममा आफैले गीत बिगार्ने वा अरुलाई विगार्न दिने पक्कै गर्थेनन् होला ।
यस्ता सबै कुराहरु प्रष्ट भइसक्दा, हामी भन्दा केहि दशक अगाडी जन्मिदैंमा वा कपाल फुल्दैमा वरिष्ठ भन्न कत्तिको मिल्छ ?
