भात खान शरिरको सौदा

पहिलो चोटि सुन्दा अचम्म लाग्छ । एकछिन बिचार गर्दा कुनै भोकमरीले सताएको मुलुकमा होला जस्तो पनि लाग्छ । तर यो सत्य हो नेपालको जहाँ भात खान शरिरको सौदा गर्न वाध्य महिलाहरु पनि छन् ।
दशकौं अघिको कुरा हो, बादी समुदायका महिलाहरुलाई पैसावाला ठूला वर्गका मानिसहरुले यौन सन्तुष्टिको लागि प्रयोग गर्थे जुन एक दशक अघिसम्म पनि चलिरहेको थियो । पिछडिएका बादीहरु पनि आम्दानीको कुनै स्रोत नभएका कारण त्यसलाई पेशा कै रुपमा लिन वाध्य थिए । पछि देवता कै रुपमा आए मावोबादी पार्टीले उनीहरुलाई त्यस पेशाबाट मुक्ति दिई आय आर्जनको बाटो खोलिदिने प्रण गरे । उनीहरुले पनि नयाँ जीवन पाउने कुरामा विश्वस्त भई मावोबादी पार्टीलाई भोट दिए । तर दुखको कुरा, मोवोबादी पार्टी अहिले सरकारकै नेत्तृत्व गरिरहँदा पनि उनीहरु झन् यो पेशा बिना भात खानसम्म नपाउने भएका छन् ।

चुनाव पछि बादीहरुले यौन पेशा त्यागेका थिए तर ठूलो आश देखाएका मावोबादी पार्टीले केहि नगरे पछि, सबै भोट कै लागि रहेछ भन्दै फेरि त्यहि पेशामा फर्केका छन् । एक बादी महिला भन्छिन्, "हामीलाई यस पेशाको नराम्रा कुराहरु पनि सबै थाहा छ । एड्स जस्ता अरु यौन रो गबारे पनि जानकार नै छौं तर भात खानकै लागि भएपनि शरिरको सौदा नगरि उपाय नै छैन, के गर्ने ? यौन रोगबाट बच्नको लागि हाम्रो समुदायमा कण्डमको प्रयोग चै अनिवार्य छ ।" आफु सचेत हुँदापनि यस्तो पेशालाई अपनाउनु कति दुखद वाध्यता हो। अझ, बादी समुदायमा पुरुषहरु आफ्नै घरका चेलीहरुको लागि ग्राहक खोज्न जाँदा तिनीहरु आफै भित्र भित्र कति मर्छन होला ?

के यहि हो मावोबादीको सांकृतिक क्रान्ति ?